UPN-k eta PSN-k erabakia kritikatu dute, Armadari ikusgarritasuna kentzeko izen aldatzea dela deritzote. Hainbat militarrek ere kontrako jarrera azaldu dute. Nafarroan Espainiako Armadak duen buruak ez du erabakia baloratu nahi izan, legezkoa dela esan duen arren, bere iritzi pertsonala bestelakoa izan daitekeela gaineratu du.
Hiru hilabeteren buruan Armadaren etorbidea Foixko Katalinaren izena eramanen du. Nafarroako erregina izandakoaren papera hobeki ezagutzeko hitzaldia antolatu du Iruñeko udalak, bihar Condestable jauregian, arratsaldeko 7etan Aitor Pescador historialariaren eskutik.
