Onura sozialak lehenetsiko ditu Iruñeko udalak kontratazio eta erosketetan

Onura sozialak lehenetsiko ditu Iruñeko udalak kontratazio eta erosketetan

Orain arte irizpide ekonomikoa erabiltzen zen udalaren kontratetan, hau da, eskaintzarik merkeenak zuen lehentasuna. Horrek kontratatutako enpresetako langileen lan baldintzetan zuen ondorio zuzena. Udal taldeak publiko egindako estrategia berriarekin irizpide sozialak erabiliko dira enpresa batekin edo bestearekin lan egiterako orduan. Ingurugiro neurriak, berdintasun planak, egoera zailenetan diren perstonen kontratazioa edo tokiko ekonomiaren parte izatea kontutan hartuko dira.

Herri garatuetako KPIaren ehuneko 20a inguru administrazio publikoetatik eratorritako kontratuetatik ateratzen da. Administrazioak beraz, badu kontratatzen dituen enpresen baldintzetan eragiteko poterea. Nafarroako Parlamentuak Kontratu publikoen legean klausula sozialak sartzeko bidea ireki zuen. Iruñeko udalak ere, egiten dituen kontratetan prezioaz gain, bestelako baldintzak ere kontutan hartuko ditu.

Urtarriletik aurrera, Iruñeko udalak eta bere enpresa publikoek eginen dituzten kontratazioetan eta erosketetan ingurugiroa, berdintasun planak, egoera zailenetan diren pertsonen kontratuak, lan baldintzak…izanen dituzte kontuan. Tokiko enpresa eta autonomo txikiei atea ireki nahi zaie horrela kontratazio publikora. Udalak azaldu duen moduan, gaur aurkeztu den estrategiak, trebakuntza emanen die enpresari txikie administrazioaren ate irekia probestu dezaten.