"Langile Boterearen eraikuntzaren bidetik, egungo langile klasekook zer nolako aukerak eta horiek zein modutan aplikatu ditzakegun ikasteko batu gaitezen. Guk autogestiotik eta norbanako bakoitzak bere borroka frontetik, bateratasunean, injustizia ororen kontra altxatzen den ukabila osatzen dugu", esan dute Maravillas gaztetxeko kideek, Jardunaldi antikapitalistak aurkezterakoan.
Anitza izanen da maiatzarako antolatu duten egitaraua: gaztetxeei eta klase borrokaren inguruko hitzaldia, "Elkartasun komiteen aurkezpena", Iruñerriko langile klasearen ibilbidea, pentsionistak borrokan, Yo, Daniel blake proiekzioa... "Mundu justuago baten alde borrokan" aritu zirenak omentzeko era onena "borrokan jarraitzea" delako egin dituzte jardunaldiak.
