Aralarko Aingeruaren irudia iritsiko da Iruñera. Eta Udalak ere harrera eginen dio gaur. Joseba Asiron alkatea izanen da une horretan eta baita udal korporazioa ere. 17:30ean dago aurreikusia Aingeruaren bisita udalean. Atarian hartuko dute lehenbizi eta gero harrera egiteko gelara joko dute guztiek. Asironek berak hitz hartuko du, baita Aralarko santutegiko kapilauak ere. San Fermin ikastolako abesbatza ere izanen da kantuan: 'Mikel, Mikel' eta 'San Migelen bertsoak' abestuko dituzte.
Atzo iritsi zen Aralarko Aingeruaren irudia Iruñera. San Nikolasen Atarian izan zen 19:30ean eta igandera arte izanen da hiriburuan. Ikastetxeetara, erakundeetara, elizetara eta beste zenbait txokotara iritsiko da haren bisita.