Harremanak modu harmonikoan nola landu, hezkuntza eta heziketa gai mamitsuak eta errealitateak kontatzeko maneren inguruko azterketa izanen dira otsailaren 10etik aurrera Iruñean UEUk antolatutako ikastaroetan jorratu dituen gaiak. Bestalde, eta aurreko urteotan bezala, Nafarroako historiari buruzko ikastaroa eskainiko du Bixente Serrano Izkok.
Udaberriko eskaintza
- Harreman harmonikoak izateko komunikazio trebetasunak. Zure bizitza aberasteko gakoak. Irakaslea: Gotzon Carcar. Otsailak 10 eta 17.
- Gatazken ebazpena pedagogia sistemikotik abiatuta. Irakaslea: Clotilde Caro. Otsailak 24 eta martxoak 10.
- Errealitateak kontatzeko manerak. Irakaslea: Koldo Izagirre, Edurne Elizondo, Iñigo Aranbarri eta Iñigo Astiz. Otsailak 24-martxoak 3.
- Heziketa integrala: Haurrekiko harreman osasuntsuak sustatuz. Irakaslea: Ane Ablanedo. Otsailak 24.
- Hizkuntza-praktika ekologikoak haurren hezkuntzan. Irakaslea: Ainhoa Lasa eta Itsaso Olaizola. Martxoak 7-21.
- Haurren autoestimua ezagutu eta garatzeko erremintak. Irakaslea:Nerea Mendizabal. Maiatzak 12.
Euskokulturrekin elkarlanean
- Nafarroaren Historia. Memoria bizia (1512-1982). Irakaslea: Bixente Serrano. Otsailak 20- Maiatzak 15.
Udari begira
2018an Udako Ikastaroen 46. ikastaldia eginen da eta horri begira hasi dira jada dena antolatzen. Urtarrilaren 31ra arte zabalik dago proposamenak bidaltzeko epea.
Antolatzaileek adierazi dutenez “UEUren sarea zabala da eta horri esker urtero proposamen ugari eta interesgarriak jasotzen ditugu, UEUrekin lan egin nahi duen orori irekita baitago deialdi hau.”
