Iruñerriko euskaldunon agerkaria
euskalerriairratia.eus

Nafarroako Kontseiluak aldaketak iradoki ditu euskararen dekretu berriaren proiektuan

Euskalerria Irratia 2017-10-04 20:47   Euskara  Iruñea

Iradokizunak eginda ere, argi berdea eman dio Euskararen Erabilera Administrazioan Arautzeko Legearen zirriborroari. Funtzio Publikoa, udalak eta Euskararen Kontseiluaren onarpena jaso ondoren, hau zen azken tramitea. 

Euskararen Erabilera Administrazioan Arautzeko Legea aztertu du oraingoan Nafarroako Kontseiluak. Ia osotasunean ontzat jo badu ere, zenbait ataletan desadostasunak azaldu ditu Kontseiluak. Ana Ollok, Herritarrekiko eta Erakundeekiko kontseilariak azaldu duenez

Desadostasun gehienak eremu ez euskaldunerako eta eremu mixtorako proposatutako zenbait aldaketetan izan dira. Euskara meritutzat hartzerako unean hazkunde esponentziala eskatzen du Gobernuak. Gaur egun, esate baterako, eremu ez euskaldunean euskara jakiteak ez du batere punturik ematen lan eskaintza publikoetan, ingelesa, frantsesa edo alemana jakiteak bi puntu ematen duen bitartean. Gobernuaren egitasmo honen aurrean aldaketak eskatzen ditu Kontseiluak. Euskararen balorazioak eragina sor lezake administraziora sartzerako unean, uste dute. Kontseiluko bost kideetatik batek, Socorro Sotesek, Gobernuaren proposamena defendatu du, hala ere.

Euskararen inguruan egindako azken ikerketak dio 69.000 euskal hiztun aktibo bizi garela Nafarroan, eta beste 55.000 euskaradun pasiboak direla. Gazteen artean, lautik bat da euskalduna. Errealitate horri erantzuna emateko Euskararen Erabilera Administrazioan Arautzeko Legea ari direla lotzen berretsi du Ollok.

 

Erantzunak

Erabiltzailearen aurpegia Sortzen 2017-10-05 09:52 Erantzuna | #1

Euskarak, Nafarroan, Erregimenarekin lotutako Consejoen onezpena ez du behar. Aldaketa poliltikoa lortu genuen orain dela bi urte, eta Aldaketa hori Euskaraz hitzegin behar du, amestu, lan egin, ikasi, maitatu, bizi, ... bestela, ez da Aldaketarik izango. Horretarako, Euskarak, ofizialtasuna behar du, bestelako status bat, euskaraz bizi eta ikasi nahi dugunontzat eguneroko diskriminazioarekin bukatuko duena. Laguntzak behar ditu Euskarak, inbertsioak, diskriminazio positiboa behar du, eta ez herritarren eskubideak murrizten dituen Legea.
Euskaraz bizi eta ikasi nahi dugulako, ziklo guztietan, auzo guztietan eta Nafarroa osoan.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa