Iruñeko Haur Eskolen Organismoak onartu duenez, 2017-2018 ikasturtean plaza guztietatik 599 gaztelaniaz izanen dira eta haietariko 335tan ingelesezko aktibitateak eskainiko dira. Bestalde 411 euskaraz izanen dira. Egun osokoak: 102 Donibanen, 101 Printzearen Harresin, 82 Izartegin, 82 Goiz Eder-en eta 44 egun erdikoak Goiz Eder-en. Bestalde Nafarroako Gobernuak kudeatzen dituen Iruñeko bost eskoletan 314 plaza eskainiko dira, horietako 28 euskaraz Alde zaharreko eta Sanduzelaiko eskoletan.
Datorren astean ezagutzera emanen da zenbat plaza gelditzen diren libre ikasle berrientzat.
Ikastetxeetan edo Deskalzos 72ko Udalaren Kultura Alorreko bulegoetan eman ahal izanen dira bi sareetako zentroetako eskaerak.