Jendearen harrera beroa ikusita crowdfunding kanpaina jarri zuen martxan bere diskoa grabatzeko asmoz. Dirua berehala lortu ondoren, hamahiru abesti biltzen dituen “Om” izeneko lana argitaratu zuen. Euskaraz, gaztelaniaz eta ingelesez egindako abestiak entzuten ahal dira bertan, estilo desberdinetan abestuak.
“Sentitzen” duena kantatzen du Izarok bere abestietan: “Sekula ez dut bizi ez dudan ezer idazten”.
Eta diskoaren izenaren zergatia horrela azaltzen du Izarok: “Om mantra gorena da, oinarrizko bibrazioa. Unibertsoan dagoen guztia hor sortu eta horra itzultzen da”. Izaroren ustez, bizitzaren «zentzua» hori da, «bueltak ematea».
Joan den astean Iruñeko Herriko Tabernan aritu zen bakarka eta laster bere bandarekin hemen jo ahal izatea espero du.