San Fermin Iruñeko zaindari bakarra izan dadila aldarrikatu du Iruñeko artzapezpikuak. Iruñeko Gotzain Francisco Perezek kezka adierazi du azken urteotako jaien desakralizazioa dela eta. Horren harira “Jaiak bai, Jainkoa ere bai” kanpainaren hasiera iragarri du datorren otsailaren 2rako, eskaileraren bigarren mailari begira.
Uztailaren seirako txanpaina beharrean ur bedeinkatuaz topa egitearen alde azaldu da Monseñor, aldi berean uztailaren 7ko segizioa handitu egin nahi omen dute. Horretarako Aste Santuan ateratzen diren mozorro eta paso horiekin guztiekin osatuko dute Erraldoien Konpartsa.
Iruñeko peñak erakarri nahi izan ditu fedezko apustu berri honetara, euren izenak kristau ditzaten proposatuz, horrela Armonia Claretiana, Aleluya de Iruña, Monagillo Alaiak, La Túnica eta el Cilicio Pamplonés bezalako izen aldatzeak proposatu ditzute.
