Okupazioa eta jabetza pribatuari kalteak sortzea leporatuta pasa behar zuten epaile aurretik bi gazte iruindarrek, Itziarrek eta Iñakik, baina izkin egin diote gaur egitekoa zen epaiketari. Hurriya migratzaileei arrera egiteko etxe okupatuan hartu zituzten atxilo, uztailean.
Hutsarazte momentuan, Poliziak etxe okupatuan zeuden pertsonekiko jarrera ezberdinez jokatu zuela salatu dute: "Europar migratzaileak errefuxiatu zelaietara bidali zituzten eta europarrak atxilotuak eta auzipetuak izan ziren".
Zabaldiko kideak
Zabaldiko kideak dira bi auzipetuak, eta, hain justu, nazioarteko brigada baten prestaketan ari ziren Grezian atxilotuak izan zirenean.
Epaiketa "zigor ekintza" dela salatu dute,"elkartasuna gobernuek ezarritako neurriekin bat egiten ez duenean ezartzen den errepresioaren beste adibide bat baino ez, pertsonek beren kabuz jokatzen dutenean, legitimitate osoz. Elkartasuna ezin da etxekotu, desobedientzia ezinbesteko erreminta da aldarrikatzeko eta defendatzeko".