Protagonista Fernando Errazuriz Larrain da, duela ia 300 urte (1733an) Baztandik Txilera joan zen Fernando Errazuriz Larrainen seigarren iloba. Bere jatorria bilatu asmoz egindako bidaia da dokumental honetan kontatzen dena. Errazuriztarrak Errepublikako presidenteak, kardinalak eta beste hainbat figura garrantzitsu izan dira bertan; Euskal Herrian, ostera, Errazuriz abizena galduta dago. Horregatik, bere jatorria bilatzeko asmoz, eta Surreal eta Zinea Sortzen ekoizpen etxeeko lan-taldeak lagun, Baztan bailarara bidaia egin du Fernandok, arbasoen etxea, inguruak eta kultura ezagutzera. Badu abantaila bat: Txileko Euskal Etxean euskara ikasi du.
Odola Odol dokumentala migrazioa eta fenomeno unibertsal honen aurrean hartzen dugun jarrerari buruz hausnarketa da: emigranteei egiten diegun harrera, beste herrialdeetatik etortzen diren pertsona guztiak gure gizartean integratzen ditugun era, eta honekin batera, gure izateko era eta baloreak. Cristian Leighton dokumentalaren zuzendariak azaldu duen bezala “Dokumentalaren helburua gure jatorriaz mintzatzea da, modu honetan gure naturari buruz hausnartzeko, gero eta globalagoa den gizarte baten ondorengoak baikara.”
Ritxi Lizartza produktorea eta Yolanda Mendiola (Kaneta Films) saio honetan izanen dira.
2016. urtean egina.
Zuzendaritza eta gidoia: Cristián Leighton
Argazkiak : Eduardo Cruz Coke (C)
Musika : Jose Migel Miranda, Jose Migel Tobar
Agertzen dira : Fernando Errazuriz, Agustín Otondo, Migel Salaburu, Félix Salaburu, Ponceano Antxorena, Begoña Durruti, Elena Arretxea, Gervasio di Cesare, Koldo Aldalur.
Hizkuntza: jatorrizko bertsioa euskaraz gaztelaniazko azpitituluekin.
Iraupena : 70 min.