Joaquin Caparros kargutik kendu du Osasunak eta, haren ordez, Vasiljevic jarriko du, egungo kirol zuzendaria. Hirugarren entrenatzailea ere bada eta hark zuzenduko du taldea denboraldia amaitu bitartean.
Nabarmenak izan dira Caparrosen emaitza txarrak, gorritxoak azken posturaino eraman arte: hain justu, ligan bost partidak galdu ditu, eta 7 puntu baino ez dauzka. Kopan, partida bakarra baino ez du irabazi, Granadaren kontrakoa.
Gaur, 17:00etan, prentsaurrekoa eskainiko du Osasunak, xehetasunak azaltzeko. Bi hilabete ere ez ditu pasa Caparrosek Osasunan, Enrique Martin kendu zutenez geroztik.