2017-2018 ikasturtean klaseak soilik goizez izatea erabaki dezakete eskolek. Orain arte egin ditu urrats batzuk ordutegi eredu honek, 14 zentroetan martxan daukate, baina are erraztasun handiagoa izanen da heldu den urtean, Hezkuntza Departamenduak trabak kendu ditu-eta molde honen garapenerako.
Guraso eta irakasleak ados badaude
Hori bai, gurasoen %66k eta irakasleen %60k onetsi behar dute sistema. "Inongo kasuetan ez da gastu gehigarria izanen, ez giza baliabideetan ez funtzionamendu gastuetan ere", jaso du erresoluzioak.
Gizartearen aldaketak eta ordutegi moldaketak direla medio dago mahaiaren gainean proposamen hau, zirriborroak berak barnebildu duenez.
Nafarroako Gobernua Irekiaren webgunean irakur daiteke proposamena osorik, bai eta ekarpenak egin ere.