LGTBI kolektiboarentzako Berdintasun Legea babestu du Nafarroako Parlamentuak: PSNren ekimenez aurkeztua, EH Bilduk, Geroa Baik, Ahal Duguk eta Ezkerrak babestu dute; UPN eta PP, aldiz, abstenitu egin dira.
Argia da legearen xedea: LGTBI herritarren eskubideak bermatzea, diskriminazio eta indarkeria egoerekin amaituta, dibertsitate sexu afektiboa berdintasunean eta errespetuan bizi ahal izateko.
Gainera, "diskriminazio guztia aurreikusi, zuzendu eta ezabatzeko" zigor erregimena jarriko du legebiltzarrak martxan, "jarrera larriei" eta erasoei aurre egiteko helburuz.
Amaitzeko, LGTB Kontseilua eratuko da: legearen politiken nondik norakoak ezartzeko.