Atzo zendu zen Julen Madina entzierroko korrikalari eta telebistako iritzi emaile ezaguna. Hernaniarra sortzez, 40 urte baino gehiago eman ditu zezen aurrean korrika egiten. Iruñeko eta Tuterako entzierroak ziren begiko zituen lasterketak. 2011n erabaki zuen Iruñean gehiago ez ateratzea, Tuteran ibiltzen zen oraindik, aitzitik.
Iritzi emaile gisa ETB2ko El conquistador del fin del mundo eta Pásalo saioetan azaltzen zen.
Haren familiak eman du heriotzaren berri. Esan duenez, bainatzen ari ziren herritar batzuek buruz behera aurkitu zuten, eta anbulantziari deitu zioten. Bost egunez zainketa intentsiboko unitatean egon bada ere, ezin izan dute deus egin.