Etxabeei dagokien ordenantza aurrera aterako du Iruñeko Udalak astelehenean, EH Bilduren, Geroa Bairen, Ahal Duguren, Ezkerraren eta PSNren babesa izanda.
Jabeek astelehenetik ostiralera, 09:00etatik 00:00 arte mantendu ahalko dituzte irekita aisialdirako lokal horiek. Asteburuetan, 09:00etatik 02:30 arte. Gainera, bizilagunekin akordioa erdietsiz gero, moldatu ahalko dute ordutegi hori. UPNk ez du puntu hori begi onez ikusten, eta horregatik ez du ordenantza babestuko.
Sanferminetan, ordea, ez dute mugarik izanen, ez Gabon gauean, ez eta Gabon Zahar gauean ere.