Hesi bikoitza jartzen hasiko dira gaurtik aurrera Aldaz Anaiak zurgindegiko langileak. Ukuiluetatik Santo Domingoko aldapara ekinen diote hesia jartzeari 10:00etan. Aste hasieran langileak 2.700 ohol eta 900 zutoin antolatzen eta horien egoera zein den egiaztatzen aritu dira. 70 ate ere badaude entzierroko ibilbide osoan zehar.
Hilabete guztian izanen dira lanean entzierroko hesi guztia jartzen eta uztailaren 6an izanen da amaiera Amaia eta Estafeta kaleetako hesia jartzearekin batera.
Aldaz Anaiak Garesen dute zurgindegia eta duela 24 urte ari dira hesia muntatzen eta desmuntatzen. Egunero, 70 eta 75 lagun inguru aritzen dira horretan.