Iragan martxoaren 16an bere buruaz beste egin zuen gazte batek, Iruñean. Senideek eskola jazarpenaren ondorio izan daitekeela deritzote. Horregatik, salaketa jarri dute, eta Iruñeko hirugarren instrukzio auzitegiak ikerketa abiatu du. San Cernin ikastetxean ikasten zuen mutikoak; eskolak deus ez zekiela adierazi du.
Zentroak ez zuen bullyingaren kontrako protokoloa aktibatu, jakinaren gainenean ez baitzegoen. Orain, "sorpresa eta harridura" azaldu, eta eskolako gainontzeko familiei gertatutakoaren inguruko gutun bat bidaliko diela jakinarazi du.
Ibarrola Ekiza familiak idazkian nabarmendu duenez, "hainbat eskola jazarpena kasu" eman dira San Cerninen. Poliziaren lanak aurrera jarraitzen du, eta "guztien laguntza" galdegin du hildakoaren sendiak.
'Berria' egunkariak Hezkuntza Departamenduarekin kontaktatu du, eta orain jakinaren gainean dagoela adierazi diote, aurretik, haatik, ez zuen auziaren inguruko informaziorik izan.