Katakrak aretoan ospatuko da Euskarazko Interneten Egunaren lehen edizioa, 18:30etatik aurrera.
Ana Ollok, Nafarroako Gobernuko bozeramaileak, irekiko du ekitaldia eta jarraian PuntuEUS fundazioko kideek eta Euskaltzaleen Topagunekoek hitza hartuko dute euskarak Interneten eginiko bideaz mintzatzeko. Jarraian etorkizunari begira jarriko dira, etortzear dauden erronken inguruan hausnarketa egiteko.
Saioaren amaieran euskararen alde topa egiteko aukera izanen dute bertan bildutakoek.
Sarrera irekia izanen da, baina aldez aurretik izena eman behar da domeinuak.eus web gunean.