Arratsaldean iritsi zen atzo Aralarko Aingerua Iruñeko Udaletxera. 17:30ak pasa ziren udaletxeko ateak zeharkatu zituenean Mikel Garciandia Aralarko santutegiko kapilauarekin. Bertan ziren, udaletxeko atean Joseba Asiron alkatea eta gainerako alderdietako zinegotziak. Ez denak ordea, Aranzadi eta Izquierda-Ezkerrakoak ez ziren izan harrera ekitaldi horretan.
San Fermin abesbatzaren kantuekin egin zuen udaletxean barnako ibilbidea Aralarko Aingeruak. Atalondotik Harrera aretora egin zuen ibilbidea inguruan galaz jantzitako zaindariak eta mazolariak zituela.
"Euskal Herriaren zaindaria da Aralarko Aingerua fededunentzat eta ohitura horri ateak irekitzen segitzeko asmoa dut", azaldu du Asiron alkateak.