Kondestableko udal erroldan eta erregistroan gestioak egiteko hitzordua eskatu dezakete herritarrek jada. 010 telefono zenbakira deitu beharko dute, edota pamplona.es webgunera sartu.
Derrigorrezkoa izanen da hemendik aurrera ordua hartzea. Hala, "behar bezala" banatu nahi dituzte baliabideak. Herritarrentzako "itxaronaldi luzeak" ekiditea dute xede.
Urteko egun guztiak eta euskaraz zein gaztelaniaz egin daiteke ordu hartzea, edozein unetan.
Aste honetarako jada 52 herritarrek hartu dute aldez aurreko ordua.