Berri Txarrak, Belako, La Moda, Ciclonautas, Monte del Oso eta DJ Goo izanen dira Tres Sesenta musika jaialdiko bosgarren edizioko lehen eguneko kontzertuak. Ekainaren 10an ariko dira horiek guztiak. Hurrengo egunean, ekainaren 11n alegia, Xoel Lopez, Ken Zazpi, Maga, Grises, Baobabs Will Sestroy Your Planet eta Edu Anmu Dj izanen dira. Ciudadelan izanen dira kontzertuak aurreko urteetan bezala.
Salgai jarri dituzte dagoeneko sarrerak. Abonu bereziak eros daitezke. Hala, bi egunetarako 25 euroren truke eskura daitezke sarrerak. Baina prezio hori sarrera kopuru mugatuek izanen dute. Horiek salduta, 30 euroan eros daitezke aurretik eta takilan 35 euroan. 8.000 lagunentzako tokia izanen da kontzertuetan.