Idazlea da Lutxo Egia, eta euskararen aldeko ekintzailea. Iaz, Transitoak performancearen bidez, euskaraz edota ingelesez baino ez zen bizi izan, gaztelania alboratuta.
Berria egunkarian, Gorka Erostarbe kazetariak egindako artikuluan eman zuen Egiak ekintzaren berri.
"Erdaldun ezezagun batzuk ukoa ikusten ari dira nire portaeran. Ez omen diet espainolez hitz egin nahi. Ni, aldiz, ukatu barik, eman eta eman ari naiz. Euskara ematen ari naiz. Alde ederra dago...". Hausnarketa egin zuen performancea egin berritan.
Gaur, Arrotxapean izanen da idazlea, 18:00etan, Juslarrotxan.