Gizarte Ekimeneko Auzo Zentroa izanen da orain arte erabilpenik ez zuen lokala. Gainera, behin behinean, auzo unitatea ere bertan kokatuko dute, behin betikoa guztiz atondu arte.
940 metro karratuko bi solairu dauzka eraikinak, 300 metro karratuko antzeztokia eta 3.000 metro karratuko bi patio.
Eragile andana
Makina bat kolektibo daude proiektuan: Siñar Zubi, Arturo Kanpion, TX Bizi, Arga Auzo Elkartea, Cenma, El ropero eta Erraldoien Konpartsa. Aurrerantzean, talde gehiago ere sartu ahalko dira.
Goizeko 08:00etatik gaueko 22:00etara egonen da zabalik, astelehenetik larunbatera. Udalak bere gain hartuko ditu mantenu lanak, eta ekimen kulturalak eta aisialdiarekin lotutakoak erabili ahalko dute, bai unean uneko aktibitateak, bai eta jarraikortasuna dutenak ere.