Carlos III. zinemaren itxierak sortutako kalapita baretu nahi izan du udalak, eta, horregatik, egoera bere onera ekartzen ahalegindu da, Iruñeko erdigunea pantaila handirik gabe gera ez dadin. Fruitu askorik ez du eman, baina, bilerak.
Batetik, Carlos III. behin betiko amaitu dela baieztatu dio Saidek; izan ere, publiko gutxi zegoela eta sektorearen krisia medio bideragarria ez dela adierazi du. Badaude bestelako irakurketak, aldiz: merkatal gune gisa ekonomikoki errentagarriagoa litzatekeelako saldu duela diote askok.
Gainontzeko aukerei ere so egin diete, bestetik. Tartean, Olite kaleko zinemak berrirekitzeari. 2014an jarri zuten giltzarrapoa; orain, sektoreko enpresaren batekin hitzarmena lortu gero, zabal ditzakeela iradoki du Saidek.