Iruñean kantuz ekimeneko partaideek karrikarik karrika abestuko dute Alde Zaharrean zehar. 12:00etan elkartuko dira, Mercaderes karrikan, eta handik Estafetarantz eginen dute.
Iruñean kantuz euskaraz abestea maite duen orori zabalduriko ekimena da. 2005eko irailean jarri zuten abian. Bultzatzaileak izan ziren Kantuzaleen Elkartea, Muthiko alaiak peña, Orreaga Fundazioa, Karrikiri eta Euskaldunon Biltoki elkarteak eta Manexak.