Herritarren parte hartzea. Hori da udalak zabaldu berri duen bidea. Auzo bakoitzean zinegotzi arduradun bat izendatu du; Alde zaharraren kasuan, Alberto Labarga. Auzokideen behar eta kexen berri jakin behar du, eta horretarako tresnak: auzo bilkurak. Hirugarrena egin zuten atzo Civivox Kondestablen. Ehun bat lagun izan dira hitzorduan, tartean, Joseba Asiron alkatea.
Tabernek sortutako iskanbila izan da gai izarretako bat; indarrean dagoen legedia betearazteko eskatu diote udalari. Kirol instalazioak zabaltzea ere egon da bertaratutakoen ahotan; eta, maila apalago batean, aparkalekuak izan dituzte mintzagai.
Informazioa jasota, orain udal taldeak modelatu beharko ditu bildutako eskaerak eta kexak.