Heldu den astean hasiko dira bisita gidatuak Iruñean barna. Hiriaren ondarea eta Alde Zaharraren historia ezagutzeko aukera eskainiko du Udalak. Euskaraz izanen dira bisita gidatuak eta asteazken arte dago aukera izen emateko. Civivox guneetan eman daiteke izena, 2 euroan. Artea Iruñean izeneko zikloa da udalak antolatu duena;: Navarrerian barna ibiltzeko aukera, San Cernin burgoaz gehiago jakiteko zein San Nicolasen historian sakontzeko parada izanen da. Aitziber Imizcoz adituak eskainiko ditu bisita gidatu horiek.
Hiriaren ondarea ezagutzea xede
- Navarreria: urtarrilak 27. 12:00etan. San Jose plazan izanen da hasiera.
- San Cernin: otsailak 24. 12:00etan. San Saturnino elizan da hasiera.
- San Nicolas: martxoak 30. 12:00etan. San Nicolas plazan.