Nafarroako Gobernuak eta Iberdrolak lankidetza-hitzarmen bat sinatu dute, fakturak ordaintzeko baliabide ekonomikorik ez duten bezeroei hornidura elektrikoa eta gas-hornidura ziurtatzeko asmoz.
Ohiko etxebizitzako hornidura elektrikoa edota gas-hornidura Iberdrolarekin kontratatuta duten bezero guztiei aplikatuko zaie, Nafarroan bizi direnak eta prestazio ekonomiko bat jaso dezaketenak, aurrez gizarte-zerbitzuek balorazio teknikoa eta eskaera egin ondoren; prestazio horiek gizarte-larrialdiko egoeretako biziraupeneko oinarrizko beharrak asetzeko dira.
Enpresako datuen arabera, Iberdrolak elektrizitatea Nafarroako etxeen % 80,9ri hornitzen dio eta gasa % 17,4ri.