Urteko lehen hiruhilekorako programazioa aurkeztu du Nafarroako Kutxa Fundazioak. Hala, Civicanen haurrentzako eta familia arteko ekimenak izanen dira nagusi. Berrikuntza nabarmen bat ere bai: larunbatetan haurrentzako liburutegiko gela zabalik izanen da. Gauzak horrela, astez arratsaldetan izanen da zabalik: 17:00etatik 20:00etara eta larunbatetan 10:00etatik 14:00etara eta 17:00etatik 20:00etara.
Ipuinak ahots goran entzuteko aukera eskainiko dute, irakurtzeko erakusleiho berezia jarriko dute, zinea izanen da, txotxongiloak eta kontzertu didaktikoak ere bai. Haur eta gaztetxoen irakurtzeko ohituran jarri dute soa. Irakurtzeko joera izan dezaten eta ipuinekin hartu emana sustatzea da helburua.
Astelehenetan hiru urteko haurrei zuzendutako ipuin kontalariak izanen dira. Ahots goran kontatuko dizkiete ipuinak boluntarioek. Asteazkenetan ipuin kontalaria izanen dute 18:00etan. Euskaraz, gaztelaniaz eta ingelesez eskainiko dituzte.