Antolatzaileek adierazi dutenez, asmo nagusia Euskal Herriko gatazkari buruzko hausnarketa egitea da, horretarako teorikoki ekarpenak eta mahainguruak bideratuko dituzte. Bestalde, parte hartzaileen arteko tailer eta dinamiken bidez non dauden eta nora jo nahi duten zehazteko xedea ere badute.
Izena emateko azken eguna da gaurkoa. emaginartxiboa@gmail.com posta helbidera idatzi behar dute nahi duten horiek. Ikastaroa, bost euroan; bazkariarekin, berriz, hamabost. Iruñean ez ezik Bilbon ere eginen dute jardunaldia, otsailaren 27an.
Iruñeko jardunaldietako egitaraua:
- 10:00 "Bakea ez da existitzen, feminismoa bai" (Jule Goikoetxea)
- 11:00 "Euskal gatazka ezaugarritzen. Feminismotik irakuketa" (Zuriñe Rodrigez)
- 12:00 Hamaiketakoa
- 12:30 Ariketa kolektiboa
- 14:00 Bazkaria
- 15:30 "Pertsonala politikoa da. Gatazkak generoa dauka?" mahai ingurua.
- 17:00 Ariketa kolektiboa
- 18:00 Amaiera