Musika eta alaitasuna nagusi izan dira larunbatean Txantrean. Bizilagunak kalera atera dira Txantreako Eguna ospatze asmoz. Era berean, Maiatzaren Lehena plaza ofizialki estreinatu zuten. Bizilagunek erabaki zuzten plazari izen hori ematea omenaldia egin nahian "auzoaren izaerari". 2000. urtera arte izen hori xafla batek jasotzen zuen baina urte horretan erretiratu egin zuten.
"Xaflarekin edo gabe orain oroitarria berreskuratu dugu Lazaroren omenez", azaldu du Jesus Palacios Txantreako festa batzordeko kideak. Iruñeko alkate Joseba Asiron eta Joxe Abaurrea zinegotzia izan ziren Txantreako Egunean. "Maiatzaren Lehena izena hartuko du plazak eta ez alkateak esan duelako baizik, bizilagunek hala erabaki duzuelako", nabarmendu zuen alkateak.