2009an sortutako Bizikletaren Aldeko Sarean Estatu osoko 120 hiri biltzen dira. Hiri jasangarria egitearen aldeko “konpromiso irmoa” erakutsi nahi du modu honetara Iruñeko Udalak eta horretarako kutsadura gutxiago eragiten duten garraiobideak jarri nahi ditu hiritarren eskura. Hau da egun hauetan eta asteartera arte ospatzen ari den Mugikortasunaren Astean Udala zabaltzen ari den mezu nagusietako bat.
Mugikortasunaren Asteko egitaraua
Ostegunean Gazteluko Plazan ibilgailu elektriko eta hibridoen erakusketa bat eginen da. Ostiralean, bestalde, garraiobide desberdinetako lasterketa bat ospatuko da, hirian barna mugitzeko behar den denboraren inguruan dauden uste okerrak deuseztatzeko helburua duena. Eguerdiko 12:30etan Nafarroako Unibertsitate Publikotik sei persona abiatuko dira. Bat oinez, beste bat bizikletaz bide gorritik, beste bat bizikletaz baina errepidetik, laugarrena taxiz, bostgarrena auto elektrikoan eta seigarrena bilabesaz, haietako zein iristen den lehen Udal Plazara ikusteko.
Ostiralean ere Iruñerriko Mankomunitateak INFOTUC informazio zerbitzua eskainiko du Carlos III etorbidean (Leire eta Merindadeen Plazaren artean) garraio publikoari argibideak emateko.