Takonerako itzalpe goxoan jarri dute Oinez Txokoa, aurreko urteotan bezala. Aurten Baztango Ikastola da Oinez festaren arduraduna.
Sanferminetako egun guztietarako haur eta helduentzako ikuskizunak antolatu dituzte, horietako hainbat, Iruñeko Udalarekin batera.
Gaur arratsaldeko 18:30ean txikientzako emanaldia prestatu dute: Ipuin bertsotuak.
21:00etan Jon Gurrutxagaren rock semi-akustikoaz gozatzeko aukera izanen dugu, musikagintzan bi hamarkada betetzeko bidean den musikaria.
Ondoren, 23:30ean, Baztandik etorritako Estu & Larri talde gaztea arituko da, haien baxuak, tronpetak, kitarrak eta ahotsekin.
Goizaldeko 01:00etik aurrera Trkidantz erromeria taldearen txanda izanen da.