Iruñeko Udalak mugikorretarako aplikazio berria jarri du martxan. Hirian izanen diren hitzorduen berri emanen du, albisteak ere irakurri ahal izanen dira, jardunaldiak eta ikastaroak ere iragarriko ditu eta herritarren arretarako zerbitzuen berri ere emanen du aplikazio horrek. Pamplona izeneko tresna jarri du eskuragarri eta doan udalak. 010 herritarren arretarako telefonoarekin ere bat eginen du eta ohartarazpenak, kexak eta iradokizunak ere eginen dizkiete aplikazioaren erabiltzaileei.
Aurretik ere jarri dituzte abian zenbait aplikazio Iruñeko informazioa eskuragarri jarriz. Turismoari buruzkoa izan zen lehena Pamplona me gusta izenekoa, Sanferminen ingurukoa San Fermin Pamplona eta aparkalekuen berri jasotzeko Parkplona. Smart City proiektuaren barruan jarri dute abian Pamplona. Teknologia berriak baliatu nahi dituzte herritarrei udalak eskaintzen dituen zerbitzuen berri emateko.
Pamplona izeneko aplikazioa doan eskuratu daiteke Google Play eta App Store webguneetan.