Iruñeko Udalean batzartu dira beste behin EH Bildu eta Aranzadi. Joseba Asiron alkate izateko beharrezkoak diren babesak jasotzeko elkarrizketa izan dute bi taldeek. Aranzadiren arabera, ezinezkoa izan da akordio batera iristea, “aldaketa bideratu dezakegun lau taldeen arteko elkarrizketak publikoak izatea nahi dugu”. Astelehenetik aurrera gainerako taldeekin biltzekoa da Aranzadi ideia hori bera helarazteko. Dena dela, Izquierda-Ezkerrak adierazia du ongi irudiko litzaiokeela jendaurreko bilerak egitea “gardentasunaren aldeko edozein ekimen babesteko prest” azaldu da.
EH Bilduren eta Aranzadiren arteko bileran bestetik, Iruñeko udala nola antolatuko litzatekeen aztertzeko aukera ere izan dute. Gardentasuna eta parte hartzea ere izan dira elkarrizketa horietako protagonista, baita herritarren “erreskatea” ere. Programan hitzartuko dituzten akordioak heldu den astetik aurrera zehaztuko dituztela iragarri dute, lau taldeen artean elkartzen hasiko direlarik.