Mikel Martinezek eta Patxo Telleriak beste behin ere euskarari buruzko antzezlan txinpartatsua dakarkigute: Desentxufatuak. Euskaldunberri zaharrak ez dira inoiz hiltzen.
Honako honetan, protagonistak euskaltegi bateko bi ikasle beterano dira. Eta haien aldarria da rockero zaharrak bezala, euskaltegietako ikasle zaharrak ere ez direla inoiz hiltzen.
Obraren egilea Telleria bera da. Eta haren lanetan ohikoa denez, antzezlan txinpartatsua da, euskararen inguruko metaumorez josia.
Iruñeko udalaren euskarazko antzerki zikloaren eskutik dator antzezlana Iruñean. Ostegunean taularatuko dute, 19:30ean, Civivox Iturrama aretoan. Sarrerak 6 euroan izanen dira salgai.
