Neguko Karrikadantzak 'in door', Zentral Kafe Antzokian egin eta gero, Karrikadantzaren antolatzaileek udaberriarekin batera San Nicolas plazara itzultzeko asmoa zuten. Haatik, iragarpen meteorologikoen arabera, gaur arratsaldean euria botako du euskaldunon hiri buruzagian, eta hori horrela atzera bueltan Zentralera itzultzea erabaki dute.
Karrikadantza Karrikiri, Zaldiko Maldiko eta Nafarroako dantzarien Biltzarraren ekimen bat da. Noizean behin, hainbat musikari eta dantzari elkartzen dira, karrikan dantza egiteko. Xedea, karrika euskararentzat eta festarako berreskuratzea. Ekitaldi ireki eta parte hartzailea da: edozein musikarik parte har dezake, baita edozein dantzazalek ere. Partiturak eta hitzorduak hemen eta hemen jakinarazten dituzte.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!