Ostiralean eta larunbatean eginen dute sarien erruleta Zabalguneko eta Ermitagañako udal azoketan. Bezeroei dozenaka sari oparituko dizkiete. Erruletan parte hartu ahal izateko, erosketa tiketa aurkeztu beharko da. Tiket bakoitzak erruletan behin jokatzeko aukera emanen du. Hainbat tiket dituen bezeroak tiket bakoitzeko behin jokatzeko aukera izanen du, saria egokitu arte. Ordutik aurrera ezinen du jokatzen segitu. Sariak azoketako postuetan salgai dauden produktuak izanen dira: txistorrak, fruta, gaztak, pastak, otarrainxkak…