Azoka soziala, alternatiba ekonomikoa da irizpide etikoekin, demokratikoekin, ekologikoekin eta elkartasunean sortzen dena. Gizarte bidezkoago bat lortzeko bidean aproposa den merkatua dela nabarmentzen dute antolatzaileek.
Hilabetean behin egiten dira mota horretako azokak. Auzo eta herri desberdinetan egiten dituzte, modu horretan herritarrengana heltzen dira kontzienztiazioa eta sentsibilizazioa eragin nahian merkatu sozalekiko. Azoka puntualak antolatzeaz gainera ohiko erosketa modu ere bilakatzen ari da bidezko merkataritzan egiten dena. Katalogo zabala du bidezko merkataritzak. Denetariko produktu eta zerbitzuak eskura daitezke eta gero eta jende gehiagok egiten du apustu horren alde.
Azokan ezinen dira produktuak euroekin erosi. Txanpon izeneko moneta izanen da protagonista. Euroengatik aldatzeko aukera izanen da bertan jarriko duten postu baten bidez.
Jarduerak ere izanen dira goiz guztian
Haurrei bereziki bideratutako jolasak, tailerrak eta ekimenak izanen dira. Auzoak berriki sortu dituen bi ekimenen berri ere emanen dute: gazteentzako etxebizitza aukerak eta etxe kaleratzerik gabeko eremua da Txantrea izenekoak.
Argazkia: pamplona.es