Badator berriro euri eta elur denboralea, eta horrekin batera uholde arriskua. Meteorologoen iragarpenen arabea, gaur eta bihar metro koadroko 150 litro bota ditzake Iruñerrian. Hori horrela, Iruñeko Udaltzaingoak "arduraz" jokatzeko eskatu die herritarrei, baita ibai ertzera ez hurbiltzeko ere. Gomendio zehatzagorik eman du: ez utzi autoak Burlatako bidean ezta Club Natacion inguruan ere.
Euriteen ondorioz auto gidariek gutxiago ikusiko dute, eta hori dela-eta "zuhurtziaz" gidatzeko eskatu diete Udaltzaingotik bai gidariei baita oinezkoei ere, bereziki zebrabideetan.