Horrek, baina, ez du esan nahi Iruñean euskarazko haur eskola bat gehiago izanen denik; izan ere, Txantrea auzoko Egunsenti haur eskolan ere aldaketa eginen dute: orain arte euskraz fyuntzionatzen zuen, eta aurrerantzean gaztelerazkoa izanen da.
Oposizioarentzat ez da aski
Euskalerria Irratiko zinegotzien solasaldian, Bilduko Patri Peralesek berri ontzat jo du Arrotxapeak behingoz euskarazko haur eskola edukitzea, baina salatu du kontua ez dela "euskarazko haur eskolak auzoz aldatzea baizik eta euskarazko haur eskola gehiago egitea". Aralarko Aritz Romeoren aburuz, "eskandaluzkoa da azken 30 urteotan Udalak euskarazko haur eskola bakar bat ere zabaldu ez izatea". Izquierda Ezkerrako Edurne Eginoren irudikoz, "gurasoei nahi duten hizkuntza eredua hautatzeko aukera eman beharko litzaieke".