Makilkada bat bezalakoa izan da langabeziaren datuak ezagutzearena. 2012 urtearen lehen laurdenean, Nafarroan, ehuneko 18,19 hazi da langabetuen kopurua. Ez da sekula halako igoerarik ezagutu: 50.300 pertsona dira enplegurik gabe daudenak Nafarroan, eta langabeziaren tasa ehuneko 16,4koa da, azken 24 urtetan ezagutu den altuena. Bada ordea nondik moztu gizarteari kalte egin gabe; murrizketei bai esan dion jendea topatu dugu: Gastu militarrari murrizketak egitea proposatu du mugimendu antimilitaristak, eta bi gai hauetatik heldu nahi izan diogu goizak gurean utzi duenaren kronika osatzeko.
