Hezkuntzakoak izan ziren atzo, eta gaur, guztion ahotan osasun alorrean datozen murrizketak. Bilera, Madrilen, Ana Mato Espainiako Osasun ministroarekin autonomia erkidegoetako kontseilariak. Zehaztasun gehiagoren zain, aurreratu duten neurrietako bat da sendagaiak berrordaintzearena. Aurrerantzean gehiago ordaindu beharko dugu botikengatik: jubilatuek orain baino ehuneko hamar gehiago, eta lanean ari direnek, gehienez ehuneko hogei gehiago, soldataren arabera. Hortik heldu nahi izan diogu goizak gurean utzi duenaren kronika osatzeko.
