Gaur bilera du Caixabanken administrazio kontseiluak. Mahai gainean, Banca Civica erosteko erabakia. Gaiaz galdetuta, Roberto Jimenezek Ibercajaren aldeko apustua berretsi du; Barcinak, aldiz, nahiago Caixabank. Bestetik, Osasunbideaz Foru Gobernuak iragarri du berrantolaketa handia prestatzen ari dela. Gobernutik helarazten ari diren mezua da: osasun sistema publikoa kolokan dagoela, eta aldatu egin behar dela, nahi ala nahi ez. Hortik heldu nahi izan diogu goizak gurean utzi duenaren kronika osatzeko.