Imanol Rayo zinemagilearekin eta Oskia Ugarte arte adituarekin solasaldi grafikoa egin dugu gaur Pasahitza saioan. Ikusteko eta ikasteko abiapuntutzat baliatu ditugun irudietako bat, Franco Coca-cola-ren hozkailu batean sartuta. Eugenio Merino artistak Arco arte azokara eramandako artelana da. Irudiak polemika franko eragin du. Rayoren idurikoz, arte lan siniestroa da, baina gaurkotasuna baduena, "Franco eta Coca-cola betirako baitira". Ugarteren aburuz, irudi transgresorea da, "artearen funtzio transgresorea ederki islatzen duena". Solasaldian aipatu ditugun beste irudiak: Grezia sutan, Jarauta kalea kandelaz betea, Ezka ibaia izozturik, Jarauta kalea kandelaz betea...
