Vueltaren antolatzaileei bilera eskatu diete Nafarroa Baik eta Bilduk, eskutitz baten bitartez. Nafarroa Baiko parlamentari Xabi Lasaren arabera, Espainiako itzulia Iruñetik abiatzea "gastu ikaragarria" da, krisi eta murrizketa garaiotan batere zentzurik ez duena. Bilduko Bakartxo Ruizek, berriz, Nafarroako ikurrak eta euskara errespeta dezatela galdegin du.
Bi koalizio abertzaleetako kideek elkarretaratzea egin zuten asteazkenean Baluarteren aitzinean, barruan Vuelta 2012ren aurkezpena egiten zuten bitartean. Ekitaldian, Nafarroako agintari nagusiek parte hartu zuten. Besteak beste, han ziren Yolanda Barcina presidentea, Roberto Jimenez presidenteordea eta Enrique Maya alkatea. Iruñeko Udalak milioi bat euro gastatuko du Vueltaren hasieran.
Argazkia: movimiento15dejulio.com
