Aitor Etxarte
Olentzerok Jesukristoren jaiotza iragartzen du; Errege Magoek opari magikoak egiten dizkiote; Olentzero, Erregeek eta beste dendetako opariak ekartzen dituzte; Gabon gauean familian elkartzen gara, miseria guztiak estaliz; belenak, izeiak eta argitxoak dira ezinbesteko dekorazioa; ospakizunetan bazkari-edarien oparotasunaren apologia egiten dugu; merkealdietan gona-txaketa-soineko-galtzak erosiko ditugu; edonori hoberena opa diogu paretako egutegia aldatzearekin batera; elizen ezkilak ad libitum entzuten ditugu; Puerta del Soleko soinuekin batera mahats-pikorrak irensten ditugu…
Guztiz normala da. Hortik kanpo dagoena susmagarria da.
Aspaldi aipatu gabea genuen Zizek idatzi du:
Zenbait jarrera edo bizi moduak ez dira antzematen ideologiaz markatuak, ematen du neutroak direla, ez ideologikoak, naturalak, sen onekoak. Ideologia hortik kanpo dagoena izendatzen dugu: erlijiotasun muturrekoa edo norabide politiko zehatza.
Agerian ez dagoen ideologia da eraginkorrena. Urte zahar-berriaren bueltan horren etengabeko festibala izan dugu.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!