José María Sagardui, 'Gatza'. ETAko presoetan kartzelan denbora gehien egin duena. 70 urteko kartzela zigorra zuen, bertzeak bertze bi pertsona hiltzeagatik. Gaur atera da Jaengo espetxetik, 31 urte giltzapean egin ondoan. 22 urteko gazte sartu zuten zuloan eta 53 urteko gizon gordin kanporatu dute. Parot doktrina aplikatuta atxiki dute azken urteetan kartzelan. Sinbolo bat, ETAkideen konpromisoaren miresleendako eta estatuaren errepresioaren gaitzezleendako.
Sinbolo bat, halaber, ETAren biktimendako. Sinbolo bat, erranen nuke nik, Euskal Herrian sorrarazi dugun oinazearena eta eman diguten minarena. Lerro hauek irakurri orduko Zornotza bere sorterrira hurbiltzen ariko da, beharbada, Sagardui. Oso bertzelako Euskal Herria aurkituko du, haren gaztarokoarekin ikustekorik batere ez duena. Zaurian gatza botatzetik gelditzeko balioko du, agian, Gatzaren itzulerak.
[audio http://euskalerriairratia.files.wordpress.com/2011/04/psh04842.mp3]