Aingeru Epaltza
ETAren bortizkeriak sortu duen fenomenoa da: zenbait giro politiko, kultural edo ekonomikotan zu ez zara inor mehatxaturik ez bazaude. Baina bertzalde, ikaragarria behar du izan norbait zu hiltzeko asmotan ibili dela jakiteak. Zu hiltzeko, duzun kargua duzulako, pentsatzen duzuna pentsatzen duzulako.
Zenbat halako egon dira azken urteetan. Hori argi utzita, eta ETA, su-etenean izanik ere, bizirik dagoela jakinda, belarrian zerbaitek karranka egiten dit delako taldea Patxi Lopez garbitzeko asmotan ibili dela aditzean. Zergatik orain halako berria barreiatu, noiz eta tortura salaketak eta tortura zantzuak ugaritu diren honetan. Noiz eta Euskadiko lehendakariaren itzal politikoa inoiz baino meheagoa den honetan. Noiz eta ETA behin betiko desagertzeko urratsak ematen ari direnean. Kasualitate gehiegi, eta nik ez dut kasualitateetan sinesten.